Isobel Holland

Yn 2009, dechreuodd Isobel yn Elmhurst Ballet School, gan hyfforddi mewn ballet, dawns gyfoes, fflamenco a jazz. Yn 19 oed, graddiodd â diploma mewn dawns broffesiynol, ac fe ennillodd wobr am wneud y cynnydd fwyaf yn ei dosbarth dros ei hamser fel fyfyrwraig.  

Ym mis Medi yr un flwyddyn, mynychodd Isobel raglen gyn-broffesiynol Ballet Cymru, lle y gallodd barhau â’i hyfforddiant a chael cyfle i berfformio ochr yn ochr â’r cwmni ar yr un pryd. Wedi iddi gwblhau’r rhaglen, ymunodd â’r cwmni yn ddawnswraig broffesiynol. Ers hynny, mae wedi bod ar sawl daith o amgylch y DU ac wedi perfformio’n rhyngwladol gyda Ballet Cymru.

Yn ddiweddar, mae hi wedi ymddangos mewn cynhyrchiadau megis: Cinderella, A Child’s Christmas in Wales, a Romeo and Juliet. Yn ogystal â pherfformio, mae Isobel yn helpu gyda’r gwaith addysg yn Ballet Cymru, yn enwedig y rhaglen Duets, gan weithio gyda phlant ledled Cymru.