2023-04-13
Yn dilyn llwyddiant sesiwn agoriadol Works in Progress yn 2022, mae WIP23 yn parhau i gefnogi coreograffwyr yng nghanol eu gyrfa gyda'u hymdrechion i bontio'r bwlch rhwng coreograffwyr sy'n gweithio ar eu liwt eu hunain a lleoliadau, cyflwynwyr, cynhyrchwyr a chyrff cyllido.
Y gwanwyn hwn, cyflwynir rhaglen gymysg, wedi'i chynhyrchu'n llawn, o weithiau dawns a grëwyd gan goreograffwyr WIP22. Daw'r coreograffwyr Krystal S. Lowe, Jack Philp, Angharad Price-Jones, a Marcus Jarrell Willis â'u gweithiau dawns newydd i'r llwyfan gyda'i gilydd ar 21 a 22 Ebrill 2023 yn y Tŷ Dawns yng Nghaerdydd.
Dyma gyfle i weld gweithiau newydd cyffrous gan y coreograffwyr hyn sy'n hanu o Gymru ac wedi'u lleoli yng Nghymru, a hynny mewn perfformiad(au) wedi'u cynhyrchu'n llawn. Ni fyddwch am ei golli!
I archebu tocynnau: https://www.wmc.org.uk/cy/digwyddiadur/2023/wip23-choreographers-edition