Ballet Cymru yn cyflwyno Hugan Fach Goch
a'r Tri Mochyn Bach gan Roald Dahl

O lyfr Cerddi Ffiaidd Roald Dahl

Y storïwr mwyaf poblogaidd yn y byd, Roald Dahl, wedi’i osod i gerddoriaeth gan y cyfansoddwr rhagorol Paul Patterson a’i ddawnsio gan y cwmni ballet digyffelyb, Ballet Cymru.

Yn cynnwys gwisgoedd godidog, dawnsio anhygoel a thafluniadau fideo syfrdanol, mae'r cynhyrchiad hwn, a fydd yn peri i chi chwerthin yn uchel, yn ballet difyr a hygyrch i oedolion a phlant fel ei gilydd. Roedd dehongliad Ballet Cymru o Hugan Fach Goch a'r Tri Mochyn Bach gan Roald Dahl yn llwyddiant ysgubol pan gafodd ei berfformio ddiwethaf yn 2016, a dyfarnwyd y wobr am y Cynhyrchiad Dawns Gorau iddo yng Ngwobrau Theatr Cymru.

“Gall ymddangosiadau fod yn dwyllodrus iawn, iawn. Nid yw unrhyw beth fyth yn union fel y mae'n ymddangos ...”

Mae sgôr hudolus y cyfansoddwr Paul Patterson wedi’i recordio a’i pherfformio gan Gerddorfa Ffilharmonig Llundain a Cherddorfa Siambr yr Alban, ymhlith llawer o rai eraill.

Mae Ballet Cymru yn gwmni ballet proffesiynol cynhwysol sy'n falch o fod yn Gymreig, ac sydd ag enw da am goreograffi gwobrwyol, arloesol wedi’i berfformio gan grŵp amrywiol a hynod dalentog o ddawnswyr proffesiynol o’r DU a ledled y byd. Mae cysylltiadau Roald Dahl â Chymru'n hysybys iawn, a chyda brwdfrydedd mawr mae Ballet Cymru yn parhau i rannu i’w gynulleidfaoedd a’i gefnogwyr dreftadaeth ddiwylliannol hynod gyfoethog Cymru.

‘Danteithiol, drwg a gogoneddus!’

Wales Online

Bydd y cynhyrchiad hyfryd o ddrygionus hwn yn cael ei ddangos am y tro cyntaf yn Glan yr Afon Casnewydd ar 26^a 27 Mai 2023 a bydd perfformiadau ledled y DU drwy gydol.

I gael rhagor o fanylion ac i archebu tocynnau, ewch i www.ballet.cymru/calendar

Os byddwch yn gweld dim ond un ballet yn 2023, dewch i weld yr un hwn.