Gweledigaeth Ballet Cymru yw creu canolfan ysbrydoledig ac arloesol ar gyfer dawns a'r celfyddydau – gan wasanaethu'r gymuned leol a chynulleidfaoedd ledled Cymru.
Croeso cynnes i'n holl westeion!
Ymunwch â ni wrth i ni ddathlu 10fed Pen-blwydd Ballet Cymru yn y stiwdios, a lansio ymgyrch codi arian i greu lleoliad diwylliannol newydd yng Nghasnewydd.
Dydd Sadwrn 13 Rhagfyr 2025
6pm-8pm
Ballet Cymru
Tŷ-du
Casnewydd NP10 9FQ
Beth i'w Ddisgwyl:
Rhannu unigryw gan ddawnswyr Cwmni Ballet Cymru
Detholion o waith cyffrous newydd a gyflwynir gan ddawnswyr ar Raglen Cyn-Broffesiynol Ballet Cymru
Darn dawns Nadoligaidd a gyflwynir gan grŵp ieuenctid cynhwysol Ballet Cymru, Ballet Cymru 3
Cyfle i gwrdd â'r dawnswyr a thîm y Cwmni
Lluniaeth Nadoligaidd am ddim, achroeso i bob oed!
Sefydlodd Ballet Cymru ei gartref presennol ar Ystâd Fasnachu Wern, Rogerstone yn 2015 fel canolfan ar gyfer ymarferion a rhaglenni hyfforddi'r cwmni. Deng mlynedd yn ddiweddarach, a diolch i geisiadau llwyddiannus am gyllid cyfalaf, mae gwaith adnewyddu sylweddol wedi arwain at ddwy stiwdio ddawns bwrpasol eang, cyfleusterau swyddfa a storfa bwrpasol -- gan gynnwys storfa ar gyfer y casgliad rhyfeddol o wisgoedd hardd a grëwyd dros hanes 44 mlynedd yr elusen.
Nawr, rydym yn barod am y naid nesaf – i'n llwyfan ein hunain.
Ein gweledigaeth yw agor ein hadeilad i'r gymuned fel lleoliad diwylliannol wedi'i gyfarparu'n llawn ar gyfer perfformiadau, digwyddiadau a gweithgareddau creadigol.
Mae Digwyddiad Codi Arian Nadoligaidd eleni yn nodi lansiad swyddogol yr ymgyrch i wireddu'r weledigaeth hon, wrth i Ballet Cymru barhau â'i daith unigryw i ddod yn gwmni bale cenedlaethol i Gymru.
Mae stiwdios llawr gwaelod Ballet Cymru yn gwbl hygyrch, a chynigir lluniaeth am ddim wrth gyrraedd. Cysylltwch â ni os oes gennych unrhyw ofynion dietegol arbennig neu anghenion mynediad.
Mae maes parcio mawr, am ddim ac mae mwy o le parcio ar gael gerllaw ar yr Ystâd Fasnachu. Rydym yn eich annog i ddefnyddio trafnidiaeth gyhoeddus, cerdded neu rannu car i'n stiwdios dawns os gallwch.
Noder y gallai'r digwyddiad hwn gael ei recordio at ddiben hyrwyddo gweithgareddau Ballet Cymru.
Mae Ballet Cymru yn elusen, wedi'i chofrestru o dan yr enw Gwent Ballet Theatre Limited, Rhif Elusen 100085.
Cofrestrwch i'n rhestr bostio i dderbyn y newyddion diweddaraf
Ymunwch â ni ar y cyfryngau cymdeithasol: @balletcymru
Llun (c) Siân Trenberth
Methu mynychu'r digwyddiad, ond eisiau cefnogi Ballet Cymru?
