Ryan Ap Tomos

Dechreuodd angerdd Ryan am ddawns yn saith oed pan ymunodd ag Ysgol Ddawns Llwyfan Catherine Gallagher yn Coatbridge, yr Alban. Arweiniodd ei ddawn a’i ymroddiad ef yn fuan i ddod yn Gydymaith Iau Ballet yr Alban, lle cymerodd ran yn eu rhaglen am ddwy flynedd. Yn dilyn hyn, cwblhaodd bedair blynedd yn Ysgol Ddawns yr Alban cyn cael ei dderbyn i'r Central School of Ballet. Yn 2023, graddiodd Ryan yn llwyddiannus gyda Gradd Anrhydedd BA mewn Dawns a Pherfformiad Proffesiynol. Yn ystod ei flwyddyn olaf, perfformiodd weithiau nodedig fel y pas de deux “Two Pigeons” a “Dextera,” a goreograffwyd gan Sophie Laplane a’i osod i gerddoriaeth Mozart, sy’n dathlu’r broses greadigol a chelfyddyd dwylo.

Parhaodd Ryan â’i ddatblygiad gyda hyfforddiant ôl-raddedig yng Nghwmni Ieuenctid Arles yn Ffrainc, lle perfformiodd mewn sawl darn, gan gynnwys “Gaia” a “Storm” gan Kinsun Chan, “Bolero” gan Julien Guerin, a “Simple R” gan Katarzyna Kozielska. Gyda’i dad yn siaradwr Cymraeg rhugl o Ynys Môn, mae Ryan yn ymfalchïo’n fawr mewn ymuno â Ballet Cymru ar gyfer ei gytundeb proffesiynol cyntaf, lle mae’n awyddus i gyfrannu ei sgiliau a’i angerdd i repertoire y cwmni.