Patricia Vallis

Hyfforddwyd Patricia Vallis yn Academi Ddawns Rotterdam a’r Joffrey Ballet School yn Efrog Newydd, Unol Daleithiau America. Mae hi wedi dawnsio i gwmnïau yn Ewrop, gan weithio gyda Richard Wherlock, Birgitta Trommler, David Parsons a Bernd Schindowski.

Dawnsiodd â chwmni Zürich Ballet, gan berfformio fel unawdydd ac mewn prif rolau yn y Nutcracker, Medea, Raymonda, Lej Dal Chods, y Dansant, Trazom (coreograffi Bernd Bienert) a hefyd mewn darnau gan Mats Ek, Lionel Hoche, Jorma Uotinnen ac Amanda Miller. Bu’n ffodus o gael perfformio’r eiconig Sacre a L’Après-midi d’un Faune â choreograffi gwreiddiol Nijinsky.

Dechreuodd goreograffu ynghyd â dawnsio, ac yn Zürich, dewiswyd ei darn The Three Sisters ar gyfer dathliad 75 mlynedd y theatr. Yn ogystal, lluniodd y coreograffi ar gyfer Opera L’Enfant et Les Sortilèges yn nhŷ opera Zürich. Yn 1999, creodd ei chwmni ei hun yn Ffrainc o’r enw Cie Bla Bla Bla, a fu’n teithio o ŵyl i ŵyl yn Ffrainc.

Dechreuodd Patricia dysgu yn Zürich yn 1999 a daeth yn Feistres Ballet yn Theatr Daleithiol Darmstadt yn 2001. Bu’n athrawes wadd i gwmnïau dawns yn St Gallen, Augsburg, Ballet Cymru, Cwmni Dawns Cenedlaethol Cymru, Random Dance Wayne McGregor a New Adventures Matthew Bourne, a’r TROCS.

Ymunodd Patricia â Ballet Cymru yn 2005 fel athrawes wadd. Derbyniodd rôl Rheolwr Rhaglen Gyn-broffesiynol Ballet Cymru yn 2017, gan goreograffu, rheoli cynnwys y rhaglen a mentora’r dawnswyr.